उद्देश

पायाभूत सुविधा देशाच्या आर्थिक-सामाजिक विकासामध्ये महत्त्वाची भूमिका बजावतात. हे नमूद करण्यास अभिमान वाटतो की, देशाच्या सकल राष्ट्रीय उत्पन्नात (जीडीपी) महाराष्ट्राचे योगदान सर्वाधिक आहे. महाराष्ट्र हा जसा गावकुसांच्या अनवट घाटवाटांचा प्रदेश आहे. तसाच तो महानगरांच्या वेगवान महामार्गाचाही प्रदेश आहे. यामध्ये समाविष्ट असलेले राष्ट्रीय महामार्ग, प्रमुख राज्य महामार्ग, राज्य महामार्ग, प्रमुख जिल्हा रस्ते, इतर जिल्हा रस्ते, ग्रामीण रस्ते आणि शहरांतर्गत रस्ते असे रस्त्यांचे अखंड विणलेले जाळे आज संपूर्ण महाराष्ट्राला प्रगतीच्या दिशेने नेत आहेत. आंतरराष्ट्रीय शहर अशी ओळख मोठ्या अभिमानाने मिरवणारे मुंबई असेल किंवा वेगाने प्रगतीच्या दिशेने झेपावणारी राज्याची उपराजधानी नागपूर असेल, प्रत्येक महानगराला महामार्ग व द्रुतगती मार्गाच्या माध्यमातून वेगवान करण्याचे राज्य शासनाने निश्चित केले आहे.

Road connectivity is the key in bridging the gap between the two metros, while their comprehensive planning plays a crucial role in the state’s economic growth. Down the line, Mumbai-Pune Expressway was one such pilot project which got commissioned between 1998–2000. The expressway connecting Mumbai and Pune reduced the distance and accelerated the pace of economic prosperity. Cities including Mumbai, Pune, Nashik, Aurangabad, and Nagpur significantly strengthen the state’s economy.

दोन दशकांपूर्वी अस्तित्त्वात आलेला ‘यशवंतराव चव्हाण मुंबई – पुणे द्रुतगती मार्ग’ हा पायाभूत सुविधा क्षेत्रातील पथदर्शी प्रकल्प आहे. मुंबई आणि पुणे या दोन शहरांना जोडणाऱ्या या द्रुतगती मार्गाने केवळ अंतर कमी केले नाही, तर पायाभूत विकास क्षेत्रात मैलाचा दगड रचला. माहिती तंत्रज्ञान क्षेत्र, गृहप्रकल्प, वाहन उद्योगाच्या पायाभरणीला देशातील हा पहिला द्रुतगती मार्ग पूरक ठरला. मुंबई, पुणे, नाशिक, औरंगाबाद आणि नागपूर या महानगरांचे राज्याच्या आर्थिक विकासातील योगदान राज्यास बळकटी देणारे आहे. विकासाची ही गंगा राज्यात सर्वदूर पोहोचावी, हाच हेतू उराशी बाळगून राज्य शासनाने महाराष्ट्राच्या दोन मोठ्या महानगरांना जोडण्याचा एक महासंकल्प केला. राज्याचा विकास गतिमान व्हावा आणि महामार्गासोबतच विकासाचा प्रवाह चौफेर व्हावा. याच हेतूने राज्य शासनाने 'हिंदुहृदयसम्राट बाळासाहेब ठाकरे महाराष्ट्र समृद्धी महामार्गाची' नियोजनबध्द निर्मिती केली आहे. कमीत कमी वेळेत जास्तीत जास्त अंतर आरामदायी पध्दतीने पार व्हावे, यासाठी प्रवेश नियंत्रण (Access controlled) असलेल्या शीघ्रसंचार द्रुतगती मार्गाची आखणी केली.